大公網

大公報電子版
四方a集運 > 新聞 > 港聞 > 正文

新公務員工會解散 市民嘲:身有屎?

2021-01-17 04:23:32大公報
字號
放大
標準
分享

  圖:顏武周(圓圖)近年多次同政府唱反調,由佢做主席嘅新公務員工會昨日宣佈解散。

  政府要求公務員宣誓擁護基本法及效忠特區,本是再正常不過嘅事,但喺修例風波期間成立嘅新公務員工會,尋晚就喺Facebook發帖宣佈解散。該工會主席正正係近年多次與政府唱反調嘅顏武周,佢聲稱自工會成立以來,一直遭受各方各面嘅抨擊,如今宣誓一事在即,預計工會理事有可能無法繼續留在政府,並失去工會會員及理事資格,因此啓動解散工會,以確保工會會員資料及物資得到適當處理云云。

  事實上,以顏武周及該工會嘅所作所為,早已不符公務員政治中立要求。顏武周喺前年修例風波期間,曾公然發起反對政府修逃犯例嘅公務員集會,後來該工會成立,去年元旦參與由攬炒派組織嘅大遊行,對於遊行後來演變成暴亂,工會不單止無批評暴徒,反而指責警方執法。上年六月,該工會又以不滿香港國安法為由,參與發動所謂“罷工罷課公投”,公然煽動反政府情緒。當時政府指出,採取政治性罷工手段反對國家安全立法,係公然違反公務員守則,定必嚴肅追究。

  得知該工會解散嘅消息後,市民喺網上發出一片揶揄之聲。市民Albert直言:“連擁護基本法及效忠特區咁簡單嘅要求都做唔到,仲點樣服務市民?”市民“水王”就話:“一見宣誓就要解散,仲唔係身有屎?”鄭晴

相關內容

點擊排行